მთელი მსოფლიოს ენთუზიასტები უკვირდებიან "ვოინიჩის ხელნაწერს", რომელიც უცნობი ავტორის მიერაა დაწერილი ისეთ ენაზე, რომელსაც ვერავინ იგებს. არიზონას უნივერსიტეტის კვლევითმა ჯგუფმა ამოხსნა მხოლოდ მისი ერთ–ერთი უდიდესი საიდუმლო: როდის დაიწერა ეს წიგნი.

არიზონას უნივერსიტეტის მკვლევარებმა ამოხსნეს ე.წ. „მსოფლიოს ყველაზე საიდუმლოებითმოცული ხელნაწერის“ – ვოინიჩის ხელნაწერების გარშემო არსებული მხოლოდ ერთ-ერთი თავსატეხი. ეს წიგნი მოიცავს ნახატებს და ხელნაწერებს, რომლიდანაც აზრის გამოტანა დღემდე ვერავინ შეძლო.

---

ქრისტინ მაკარტი იელის უნივერსიტეტის იშვიათი წიგნების ბიბლიოთეკაში უყურებს გრეგ ჰოჯინს, რომელიც ჭრის ვოინიჩის საიდუმლოებით მოცული ხელნაწერის პერგამენტის ნიმუშს, რადიო-ნახშირბადული მეთოდით მისი თარიღის დასადგენად.

---

რადიო-ნახშირბადული მეთოდის გამოყენებით, არიზონას უნივერსიტეტის ფიზიკის კათედრის მკვლევართა ჯგუფმა, გრეგ ჰოჯინსის (Greg Hodgins) ხელმძღვანელობით, აღმოაჩინა ხელნაწერის პერგამენტის ფურცლის გვერდები, რომლებიც მე–15 საუკუნით თარიღდება, რაც ერთი საუკუნით ადრეული პერიოდია, ვიდრე მეცნიერები აქამდე ვარაუდობდნენ.

ეს ტომი „დავინჩის კოდს“ სრულიად ბუნდოვანს ხდის: შესამჩნევად მოძველებულ პერგამენტზე გაჯღაბნილია ხელნაწერი ტექსტი, რომელიც უხვადაა თავმოყრილი ჩახლართულად ნახატი ილუსტრაციების გარშემო. ნახატები ასახავს მცენარეებს, ასტრონომიულ რუქებს და ადამიანების ფიგურებს, რომლებიც სავარაუდოდ, „ახალგაზრდობის  წყაროზე’ ბანაობენ.

ერთი შეხედვით,  „ვოინიჩის ხელნაწერი“ თითქოს არ განსხვავდება ანტიკური პერიოდის მწერლობის, თუ მხატვრობის სხვა ნამუშევრებისგან. მაგრამ ახლოდან თუ კარგად დააკვირდებით, აღმოაჩენთ, რომ მასზე სრულიად არ არის ასახული ის, რაც ერთი შეხედვით ჩანს. უცხო ფიგურები, რომელთა ნაწილი ლათინურ ანბანს ჰგავს, დანარჩენი კი ნებისმიერ ცნობილ ენაში გამოყენებული სიმბოლოებია – მხოლოდ სიტყვებად და წინადადებებად არიან განლაგებულნი, მაგრამ ეს ჩანაწერები არ ჰგვანან არაფერს – ადამიანის მიერ დაწერილს, ან წაკითხულს. 

იელის უნივერსიტეტის ბეინეკის სახელობის იშვიათი წიგნებისა და ხელნაწერების ბიბლიოთეკის საკუთრებაში მყოფი ეს ხელნაწერი აღმოაჩინა  უძველესი იშვიათი წიგნების დილერმა – უილფრიდ ვოინიჩმა, რომთან ახლოს, ვილა მონდრაგონეში, 1912 წელს, როდესაც იესო ქრისტეს საზოგადოების მიერ გასაყიდად შეთავაზებულ წიგნებს ათვალიერებდა. ვოინიჩმა მთელი თავისი დარჩენილი სიცოცხლე ამ წიგნის წარმოშობის საიდუმლოს ამოხსნას და მისი მნიშვნელობის გაშიფვრას მიუძღვნა. იგი 18 წლის შემდეგ გარდაიცვალა, თუმცა ამ წიგნის ვერცერთი საიდუმლო ვერ ამოხსნა.

 ამ ხელნაწერის 240 გვერდის მაღალი ხარისხის გამოსახულებები, ყველაზე საინტერესო მომენტები და განსაკუთრებული ფიგურები და სიმბოლოები განთავსებულია და ხელმისაწვდომია ინტერნეტ-მისამართზე: http://voynichcentral.com/gallery 

 

სტატიის ტექსტი ვრცლად: www.eurekalert.org