ეროვნული სამეცნიერო ბიბლიოთეკის ვებ საიტი შეიქმნა საიტების მართვის უახლესი სისტემის, დრუპალის (Drupal) გამოყენებით. დრუპალი ერთ–ერთი ყველაზე პოპულარული და სანდო პროგრამული პროდუქტია ვებ-საიტების შესაქმნელად. მისი უპირატესობებია:

• დაფუძნებულია ვებ 2.0 (Web 2.0) ტექნოლოგიებზე,
• მის განვითარებაში მონაწილეობს მსოფლიოს ათასობით ორგანიზაცია და სპეციალისტი, მათ შორის ამერიკის უნივერსიტეტები,
• მას გააჩნია 4500 მზა "მოდული", რომლებიც სხვადასხვა ფუნქციას ასრულებენ თქვენი საიტის მიზნების შესაბამისად,
• იგი თარგმნილია მრავალ ენაზე (ქართულ თაგმანს ეროვნული სამეცნიერო ბიბლიოთეკა აკეთებს),
• ეს არის "ღია" და უფასო პროგრამული პროდუქტი
  

ქვემოთ შეგიძიათ იხილოთ ლექცია დრუპალის დღევანდელი მდგომარეობის შესახებ, რომელიც წაიკითხა მისმა ერთ-ერთმა შემქმნელმა Dries Buytaert-მა მასაჩუსეტსის ტექნოლოგიურ უნივერსიტეტში, აშშ (MIT).

საიტის მიზანია მის მომხმარებელს შეუქმნას სამეცნიერო კომუნიკაციის, აზრთა გაცვლის, ინფორმაციისა და მოხერხებული გარემო იმ სტილის მიხედვით, რომელსაც "სოციალური ქსელები" ეწოდება და რომლის მაგალითებია Facebook, LinkedIn და სხვა.
ყოველ მომხმარებელს შუძლია:

• შექმნას საკუთარი ვებ-სივრცე,
• გამოაქვეყნოს სამეცნიერო სიახლეები, საკუთარი შრომები, წერილები, სურათები, (ფოტოები, ნახაზები, და სხვა)
• აწარმოოს საკუთარი "ბლოგი" – ელექტრონული დღიური,
• მიიღოს მონაწილეობა საიტზე გამოქვეყნებული ცნობების და სამეცნიერო საკითხების განხილვაში
• იყოლიოს "მეგობრები" საიტზე და აწარმოოს მათთან მიწერ-მიწერა
• დაუსვას შეკითხვები ან მისწეროს რჩევები ბიბლიოთეკას
  

ამავე დროს ამ კომუნიკაციის ხელშემწყობი, მონაწილე და მედიატორი იქნება ეროვნული სამეცნიერო ბიბლიოთეკა, რომელიც მიაწვდის საიტის მომხმარებლებს უახლეს სამეცნიერო ინფორმაციას, ბიბლიოთეკის ელექტრონულ სერვისებს, დაეხმარება მათთვის საჭირო ინფორმაციის მოძებნასა ან პარტნიორებთან დაკავშირებაში..
საიტი განკუთვნილია ქართველი მეცნიერებისათვის, სტუდენტებისათვის, ბიბლიოთეკარებისათვის და საქართველოს მეცნიერებითა და კულტურით დაინტერესებული უცხოელი "სტუმრებისათვის".
საიტის იქნება მუდამ განვითარებადი სისტემა, რომელსაც რეგულარულად დაემატება ახალი პროგრამული სერვისები (მაგ. ელექტრონული ჟურნალი, სამეცნიერო ფორუმები, ბიბლიოგრაფიული საძიებლები) და რომელიც განვითარდება თქვენი ინტერესების შესაბამისად.

The State of Drupal  (დრუპალის დღევანდელი მდგომარეობა)
Dries Buytaert

2009 წ. 26 ოქტომბერი
ხანგრძლივობა: 1:10:05