ავსტრალიის მთავრობა უარს ამბობს ვებ გვერდების ფილტრაციისათვის განკუთვნილ საკამათო სისტემაზე, აცხადებს ქვეყნის პრესა. სისტემა, რომელიც მრავალი წელია, სადებატო თემას წარმოადგენს, ვებ გვერდების პედოპორნო შინაარსის შემცველი მასალების გავრცელებისათვის ხელის შესაშლელადაა შექმნილი. პროექტი კომუნიკაციების მინისტრმა, სტეფან კონროიმ წარმოადგინა.

2010 წელს პრემიერ მინისტრი ჯულია გილარი იცავდა სისტემას „მორალური საკითხების“ გამო. თავის მხრივ, კანონპროექტის მოწინააღმდეგეები აღნიშნავდნენ, რომ საიტების დაბლოკვა ძვირია და რომ ასეთი ზომების ეფექტურობა უნდა გამოიცადოს და რომ ის ზოგიერთი ტოტალიტარული სახელმწიფოსთვის არის განკუთვნილი.
როგორც ყოველდღიური გაზეთი The Age იუწყება, ბატონი კონროი ამიერიდან მხარს უჭერს იმას, რომ "Worst of" სია, რომელსაც ინტერპოლი აწარმოებს, საკმაოდ ძლიერი დაცვაა ინტერნეტ პედოპორნოგრაფიის წინააღმდეგ.
შავი სიის გამოქვეყნებამ არაერთი პოლემიკა გამოიწვის ავსტრალიაში. ინტერნეტის მრავალმა გიგანტმა, როგორიცაა Google, Yahoo! და Microsoft, ეჭვი შეიტანა მოწყობილობის მუდმივობაში. ფილტრის პროექტმა ამერიკული დეპარტამენტის შეშფოთებაც გამოიწვია.

ვრცელი ტექსტი ფრანგულ ენაზე:

http://www.lemonde.fr/technologies/article/2012/11/09/l-australie-renonce-a-son-projet-de-filtrage-du-web_1788461_651865.html