სსიპ - შოთა რუსთაველის ეროვნული სამეცნიერო ფონდისა და იტალიის კვლევების ეროვნული საბჭოს (CNR) ერთობლივი სამეცნიერო საგრანტო კონკურსი

კონკურსის მიზანია: ქართველ და იტალიელ მეცნიერებსა და სამეცნიერო ცენტრებს შორის თანამშრომლობის გაღრმავება, ორი ქვეყნის მკვლევართა მობილობის მხარდაჭერა, ერთობლივი სამეცნიერო კვლევითი პროექტების ფინანსური ხელშეწყობა.

ფონდის მხრიდან თითოეული გამარჯვებული ერთობლივი კვლევითი პროექტის მონაწილე ქართული ჯგუფისათვის, ყოველწლიურად, გამოიყოფა არა უმეტეს 3000 (სამი ათასი) ევრო (შესაბამისი კურსით ეროვნულ ვალუტაში), CNR-ის მხრიდან თითოეულ გამარჯვებულ პროექტში მონაწილე იტალიური ჯგუფისათვის ყოველწლიურად გამოიყოფა არა უმეტეს 3000 (სამი ათასი) ევრო. პროექტის ხანგრძლივობა არ უნდა აღემატებოდეს 2 წელს.

საკონკურსო დოკუმენტაციის ფონდში წარდგენა შესაძლებელი იქნება 2013 წლის 23 ივლისიდან 2013 წლის 30 სექტემბრის 18:00 საათამდე.

• ბრძანება
• კონკურსის პირობები
• საპროექტო წინადადების ფორმა
• ერთობლივი განცხადების ფორმა

[შოთა რუსთაველის ეროვნული სამეცნიერო ფონდი]