ChemSpider - მოიძიე და გააზიარე ქიმიური პრეპარატები

http://www.chemspider.com/

ChemSpider-ი უაღრესად საინტერესო საიტია. ეს არის უფასო მონაცემთა ბაზა, რომელიც უზრუნველყოფს  34 მილიონზე მეტი ქიმიური ნივთიერების სტრუქტურების, თვისებების და მასთან დაკავშირებული ინფორმაციების სწრაფ მოძიებას. ესაა ნებისმიერი ქიმიური პრეპარატის მანიპულირების უნიკალური საშუალება. ChemSpider-ი აერთიანებს ინფორმაციას 500-ზე მეტი მონაცემთა ბაზიდან და ამით მკვლევარებს საშაულებას აძლევს მოიძიონ სრულყოფილი ინფორმაცია ერთ საიტზე.
აქ თითოეულ ქიმიურ ნივთიერებას მინიჭებული აქვს უნიკალური იდენტიფიკატორი, რომელსაც აქვს საკუთარი შესაბამისი URL.  

ChemSpider-ი გვთავაზობს ხელმისაწვდომი ძიების ისეთ მოდულებს როგორებიცაა:
•    სტანდარტული - ძიება სისტემატური სახელებით, სავაჭრო სახელებით, სინონიმებითა და რეესტრის ნომრებით.
•    სტრუქტურული - ძიება მოლეკულური სტრუქტურებისა და ქვესტრუქტურების გამოყენებით. შესაძლებელია მოძიებული შედეგების გაფართოება და შემცირება.
•    გაფართოებული, ინტერაქტიული - ძიება ერთდროულად რამოდენიმე მოდულის გამოყენებით ნივთიერებათა სტრუქტურების, იდენტიფიკატორის, თვისების და სხვა მაჩვენებლების მიხედვით.

შესაძლებელია ძიება მობილური მოწყობილობების აპლიკაციით iOS (iPhone / iPod / iPad)-ის და ანდროიდისათვის.

ChemSpider-ის მისიაა:
1. თავი მოუყაროს  მონაცემებს ერთ სივრცეში - საიტზე.
2. გააუმჯობესოს ქიმიური ელემენტების მონაცემთა  ხარისხი.
3. უზრუნველყოს მონაცემთა შევსება და განახლება.
4. გახადოს ეს მონაცემები ხელმისაწვდომი და გამოყენებადი.
5. მოახდინოს ინტეგრირება გამომცემლობათა პუბლიკაციებთან.

ეს ბაზა საინტერესოა მედიცინის, ფარმაკოლოგიის, ქიმიის და სხვა დარგების მკვლევარების და სტუდენტებისათვის, მოქმედი სპეციალისტებისათვის და ფართო საზოგადოებისათვის.

ChemSpider-ის მონაცემთა  ბაზა საინტერესოა იმითაც, რომ მომხმარებელს საშუალებას აძლევს განაახლოს იგი როგორც სტრუქტურულად, ასევე სპექტრულად. მსგავსი მიდგომით შეიქმნა მთლიანი ქიმიური სახელებისა და ქიმიური სტრუქტურების ლექსიკონი, რომელიც გამოიყენება ბიომედიცინასა და ქიმიურ  ლიტერატურაში. ეს არის მუდმივად განახლებადი ქიმიის ონლაინ მონაცემთა ბაზა.

ChemSpider-ის მონაცემთა ბაზა შეიქმნა ბრიტანეთის სამეფო ქიმური საზოგადოების (Royal Society of Chemistry) მიერ. 2010 წელს ChemSpider-ს მინიჭებული აქვს სამი საერთაშორისო ჯილდო: ALPSP-ი - ინოვაციური პუბლიკაციებისათვის, Bio-IT World-ი - „საუკეთესო პრაქტიკოსი“-სათვის და iExpo / KM-ი - „ყველაზე ინოვაციური პროგრამული უზრუნველყოფი“-სათვის.