ვეფხისტყაოსნის მხატვრობა = The Knight in the Panther’s Skin in Art / ტექსტის ავტ. მ. გაჩეჩილაძე; რედ.: ნ. კერესელიძე, რ. ამირეჯიბი, ქ. ყანჩიაშვილი; თარგმ.: A-Z.ge. - თბ.: ნოტა-ბენე, 2016. – 338 გვ. 

ISBN 978-9941-0-8794-3

2016 წელი იუნესკომ შოთა რუსთაველის წლად გამოაცხადა, გამომცემლობა ნოტა ბენემ კი სპეციალურად ამ წელს შესთავაზა მკითხველს ეს უნიკალური წიგნი, საუკუნის პროექტი, რომელსაც ანალოგი არ მოეძებნება ქართულ საგამომცემლო სივრცეში. ეს არის პირველი წიგნი-ალბომი, რომელიც შოთა რუსთაველის „ვეფხისტყაოსანის“ ბეჭდური გამოცემების დასურათებაზე თვალის გადევნებას ისახავს მიზნად (XIX საუკუნის ბოლოდან დღემდე).

მასში სრულყოფილადაა წარმოდგენილი პოემისათვს შესრულებული ყველა უნიკალური ილუსტრაცია. წიგნის ფორმატი წარმოგვიდგენს თითეულ მხატვარს, როგორც შუამავლს, ნაწარმოებსა და მის აღმქმელს შორის. აქ ესთეტიკური თანაგანცდის ფაქტი უმაღლეს საფეხურზე არის აყვანილი და ამით იგი უნიკალურობას იძენს. 

მხატვრები ქრონოლოგიურად შემდეგი თანმიმდევრობით არის განლაგებული: მიხაილ ზიჩი, ნიკო ფიროსმანაშვილი, ლადო გუდიაშვილი, სერგო ქობულაძე, თამარ აბაკელია, ირაკლი თოიძე, სევერიან მაისაშვილი, უჩა ჯაფარიძე, ლევან ცუცქირიძე, ნათელა იანქოშვილი, რუდუსან ფეტვიაშვილი, მამია მალაზონია, ქეთი მატაბელი, მამუკა ცეცხლაძე, ლორეტა აბაშიძე-შენგელია, ირაკლი ოჩიაური - თითოეულ ხელოვანის ნიმუშს ერთვის მოკლე ბიოგრაფიული მონაცემები და ბიბლიოგრფია, აგრეთვე ინფორმაცია იმის შესახებ, თუ სად არის კონკრეტული ნამუშევარი დაცული. 

წიგნის ტექსტი მთლიანად ორენოვანია და ამით ყველა დაინტერესებულ უცხოელ მკითხველსაც აძლევს საშუალებას უფრო უშუალოდ გაითავისოს ქართული კულტურა.