ანდრიაძე, დავით. ბაჟბეუკის ქარიზმა = Andriadze, David. Charisma of Bazhbeuk / საქართველოს კულტურისა და ძეგლთა დაცვის სამინისტრო, საქართველოს ეროვნული მუზეუმი; პროექტის ავტ. და ხელმძღ. ი. ოგაჯანოვა, თარგმ. ლ. გეგეჭკორი. - თბ., 2017. – 200 გვ. 

ISBN 978-9941-27-579-1

გასულ წელს ალექსანდრე ბაჟბეუკ-მელიქოვის გარდაცვალებიდან ნახევარი საუკუნე გავიდა, ზუსტად იმდენივე გავიდა მას შემდეგაც, რაც არ ჩატარებულა დიდი მხატვრის არც ერთი პერსონალური გამოფენა. ამ დროის განმავლობაში არ მომხდარა მისი ნამუშევრების კატალოგიზაციაც. მხოლოდ 2017 წელს გაიხსენეს მხატვარი და პროექტ „ალექსანდრე ბაჟბეუკ-მელიქოვის“ ფარგლებში, სურათების ეროვნულმა გალერეამ უმასპინძლა მხატვრის პერსონალურ გამოფენას. ასევე მოხდა მისი შემოქმედების თითქმის სრული კატალოგიზაცია. 

წინამდებარე კატალოგში თავმოყრილია მხატვრის საქართველოს სხვადასხვა მუზეუმებსა და კერძო კოლექციებში დაცული ნამუშევრების ძირითადი ნაწილი.

კატალოგი ორენოვანია. ტექსტი ეკუთვნის კრიტიკოს, ფილოსოფიის მეცნ. დოქტორს დავით ანდრიაძეს. აქ უკვე წერის ტექსტუალური ნარატივი მხატვრის ფოტოებისა და ნახატების სინთეზურ პროცესს ქმნის... და კითხვა თავისთავად იქცევა მოქმედებად, რომელიც წამკითხველს მხატვრის სამყაროში ამოგზაურებს. „დიდი პროლოგი ანუ სიკვდილი უსახელო ბაჟბეუკისა“ ასე იწყება წიგნი და გრძელდება სხვადასხვა 16 სინჯით, სადაც ავტორი მართლაც აანალიზებს ცხოვრების ყოველ დეტალს მხატვრისა.