Skip navigation.
მთავარი

საძიებლები

მიმდინარეობს საიტის განახლება

ბიბლიოთეკის კატალოგი

ძიება ქართულ ბიბლიოთეკებში

Create your own Custom Search Engine
ძიება ქართულ ლექსიკონებში და ენციკლოპედიებში
Create your own Custom Search Engine
ძიება მსოფლიოს უნივერსიტეტების ღია სამეცნიერო არქივებში

Create your own Custom Search Engine

ღონისძიების ჩატარება ეროვნულ სამეცნიერო ბიბლიოთკაში

თქვენი ღონისძიების ჩასატარებლად ეროვნულ სამეცნიერო ბიბლიოთკაში, გთხოვთ, შეავსოთ სააპლიკაციო ფორმა და გადგმოგზავნოთ ელექტრონულ მისამართზე: infopr@sciencelib.ge

21-ე საუკუნის სამეცნიერო ბიბლიოთეკა არა მხოლოდ წიგნების საცავი და არც მხოლოდ ელექტრონულ მონაცემთა ბაზების წვდომის ადგილი, არამედ ინფორმაციის აქტიური ძიების, სამეცნიერო კომუნიკაციის, იდეათა გაცვლის, სწავლებისა და მსჯელობის სივრცეა.

ახალი წიგნი ჩვენს ბიბლიოთეკაში

009

ჯანელიძე, ოთარ. საქართველოს დემოკრატიული რესპუბლიკის ისტორიის ნარკვევები = The Essays of the History of the Democratic republic of Georgia / საქართველოს პარლამენტის ეროვნული ბიბლიოთეკა; რედ. შტეპჰენ ჯონსი. - თბ., 2018. – 360 გვ. 
ISBN 978-9941-8-0034-4
წიგნი გამოვიდა საქართველოს დემოკრატიული რესპუბლიკის 100 წლისთავის საიუბილეოდ. მასში გაშუქებულია 1918-1921 წლების სამეცნიერო ნარკვევების გარკვეული ასპექტები საშინაო და საგარეო პოლიტიკის კუთხით. მასალები დალაგებულია შემდეგი თემატიკით: დამოუკიდებლობის აქტის პროექტები, 1918 წლის საქართველო-გერმანიის ურთიერთობა; ნიკო ნიკოლაძის, ივანე ჯავახიშვილის და სხვა ცნობილი პოლიტიკური მოღვაწეების ლიტერატურული დისკურსი; საქართველოს დამფუძნებელთა კრება; საქართველოსა და თურქეთის ურთიერთობა 1918-1921 წლებში და სხვა მნიშვნელოვანი დეტალები. აღსანიშნავია ისიც, რომ წიგნში თითოეული თავის რეზიუმეები წარმოდგენილია ინგლისურ ენაზე. 
ნაშრომი განკუთვნილია როგორც სპეციალისტებისათვის, ისე მკითხველთა ფართო წრისათვის.

ახალი წიგნი ჩვენს ბიბლიოთეკაში

008

საქართველოს სახელმწიფოს ხელმძღვანელები : ოფიციალური დოკუმენტები, სიტყვები და გამოსვლები. ნოე ჟორდანია საქარტველოს რესპუბლიკის მთავრობის თავმჯდომარე (1918 წლის 24 ივნისი - 1921 წლის 18 მარტი) / საქ. პარლამენტის ეროვნ. ბიბ-კა, პარლამენტის სამეცნ.-საინფორმ. უზრუნველყოფის განყ-ბა ; შემდგ. ლ. საყვარელიძე, ე. შუბითიძე; მთ. რედ. შტეპჰენ ჯონსი; რედ. ე. ჯგერენაია. - თბ., 2018. – 393 გვ. 
ISSN1987-5576
ISBN178-9941-27-716
წიგნო სერიით საქართველოს სახელმწიფოს ხელმძღვანელები  2013 წლიდან გამოდის და  მოიცავს საქართველოს სახელმწიფო მმართველების ცხოვრებისა და მოღვაწეობის მნიშვნელოვან დეტალებს. სერიული გამოცემა დაიწყო ზვიად გამსახურდიას ტომეულებით (5 ტომი), შემდგომში იყო აკაკი ასათიანი (1 ტომი) და ედუარდ შევარდნაძე - საკმაოდ ფართო მიმოხილვით (6 ტომი). სერიის მე-13 გამოცემა გამოვიდა საქართველოს სახელმწიფოებრივი აღდგენის 100 წლისთავთან დაკავშირებით და შესაბამისად დაეთმო ნოე ჟორდანიას. წიგნში წარმოდგენილია მისი საჯარო გამოსვლები, წერილები, მიმართვები და ჟურნალ-გაზეთების კორესპონდენტების მიერ გადმოცემული მისი მოსაზრებები სხვადასხვა საკითხებზე. 
ამ სერიით გამოცემული ყველა წინა ნომერი შეგიძლიათ მოიძიოთ ჩვენი ბიბლიოთეკის კატალოგში და შესაბამისად ადგილზე გაეცნოთ თითოეულ ტომს.

ახალი წიგნი ჩვენს ბიბლიოთეკაში

image   image
საქართველოს პირველი რესპუბლიკის კონსტიტუცია (1921) :  მასალები და დოკუმენტები. ტომი I. ეძღვნება ისიდორე დოლიძის დაბადებიდან 100  წლის  იუბილეს / საქართველოს პარლამენტის ეროვნული ბიბლიოთეკა. სამოქალაქო განათლების განყოფილება; რედ. ე. ჯგერენაია, თ. კენჭოშვილი. - თბ.: ირიდა, 2015. – 254 გვ. 
ISBN: 978-9941- 0- 8187- 3

საქართველოს პირველი რესპუბლიკის კონსტიტუცია (1921) :  მასალები და დოკუმენტები. ტომი II. ეძღვნება ისიდორე დოლიძის დაბადებიდან 100  წლის  იუბილეს / საქართველოს პარლამენტის ეროვნული ბიბლიოთეკა. სამოქალაქო განათლების განყოფილება; რედ. ე. ჯგერენაია, თ. კენჭოშვილი. - თბ.: საჩინო, 2018. – 1008 გვ. 
ISBN: 978-9941- 27-862- 4

საქართველოს პირველი რესპუბლიკის კონსტიტუციაზე მუშაობა საქართველოს ეროვნულმა საბჭომ 1918 წლის მაისში დაიწყო, 1919 წლიდან კი მასზე მუშაობა საქართველოს დამფუძნებელმა კრებამ განაგრძო. დღეს მრავალი მკვლევარი დაინტერესებულია საქართველოს პირველი რესპუბლიკის შესწავლით. სწორედ ამიტომ საქართველოს პარლამენტის ეროვნული ბიბლიოთეკის მეცნიერების, კულტურისა და სამოქალაქო განათლების დეპარტამენტის გადაწყვეტილებით გამოიცა დოკუმენტები და მასალები, რომელიც ასახავს საქართველოს პირველი კონსტიტუციის მიღების პროცესს. პირველი ტომი მოიცავს საქართველოს ეროვნული საბჭოს მასალებს 1918 წლის მაისიდან 1919 წლის მარტამდე, ხოლო მეორე ტომი - დამფუძნებელი კრების მასალებს 1919 წლის 19 მარტიდან 1921 წლის 21 თებერვლამდე. წიგნში გამოქვეყნებული დოკუმენტები და მასალები დაცულია საქართველოს ეროვნულ არქივსა და საქართველოს პარლამენტის ეროვნულ ბიბლიოთეკაში.

ახალი წიგნი ჩვენს ბიბლიოთეკაში

001

Meskhi, Anna. Kartvelian Linguoculturology of the Past (Selected Articles) / Center for the Research of Kartvelian Civilization (CRKC). – Tb.: Carpe diem, 2018. – 469 p. 
ISBN 978-9941-27-769-6

წიგნი წარმოადგენს ინგლისურ ენაზე დაწერილ ნაშრომს და მასში წარმოდგენილია ქართველური ენის კვლევა ენათმეცნიერული კულტუროლოგიის თვალსაზრისით. იგი ძირითადად მოიცავს ავტორის მიერ 1996 წლიდან 2017  წლამდე გამოქვეყნებულ ნშრომებს. 
კულტუროლოგიური კავშირები ავტორს განხილული აქვს გადაშენებული და თანამედროვე ცივილიზაციის ურთიერთობების მაგალითებზე. წარმოდგენილია ქართურ-ინგლისურ, ქართურ-შუმერულ, ქართურ-ეგვიპტურ და ქართურ-ბასკურ ენათა ურთიერთობების ანგარიშები.
წიგნის დანარჩენი ნაწილი ეძღვნება ეტიმოლოგიურ მიმართებებს,

ახალი წიგნი ჩვენს ბიბლიოთეკაში

fk04d

Georgia, the Cradle of the Viticulture / Georgian national Museum; Scientific ed. David Lortkipanidze; Translator Maia Nikolaishvili. – Tb. 2017. – 122 p. – ill. 
ISBN 978-9941-0-7865-1

ეს არის ქართული კულტურული იდენტობის ასახვის ინგლისურენოვანი წიგნი, ჩვენი ტრადიციების საზღვრებს გარეთ  კიდევ ერთხელ გასაცნობად. იგი ქმნის ერთგვარ პარადიგმას საქართველოსი, როგორც მევენახეობის აკვანისა. ამავდროულად ეს არის კატალოგი საქართველოს ეროვნული მუზეუმის მიერ 2017 წელს გამართული გამოფენისა სადაც საქართველო აღიარებული იქნა ღვინის სამშობლოდ. (იხ ლინკი: https://www.laciteduvin.com/en/experience-la-cite-du-vin/temporary-exhibitions/georgia-cradle-viticulture)
წიგნი მოიცავს ტრადიციული მემკვიდრეობას, რაც საქართველოს იდენტობის ერთ-ერთი მთავარი კომპონენტია, წიგნი იხსნება საქართველოს ეროვნული მუზეუმის გენერალური დირექტორის დავით ლორთქიფანიძის წინასიტყვაობით ღვინო და ქართული იდენტობა და გრძელდება მეღვინეობის წარმომავლობის კვლევით, საქართველოში ღვინის სულის დამადასტურებელი არსებობითი დოკუმენტური მასალების ჩვენებით. 
კატალოგი წარმოგვიდგენს აგრეთვე შემდეგ ნაწილებსაც:

ახალი წიგნი ჩვენს ბიბლიოთეკაში

ebhqgjyjeo

ბუბულაშვილი, ელდარ. საქართველოს სამოციქულო მართლმადიდებლური ეკლესიის ავტოკეფალია = Bubulashvili, Eldar. Autocephaly of Georgian Apostolic Orthodox Church / საქართველოს მართლმადიდებლურ ეკლესიასთან არსებული ქრისტიანული კვლევის საერთაშორისო ცენტრი; რედ. დავით მუსხელიშვილი; საიუბ. გამოც. პროექტის კოორდ. ნ. ბურჭულაძე = International centre for Christian studies at the Orthodox Church of Georgia; Ed. David Muskhelishvili; Coord. Of the Jubilee publ. Proj. N burchuladze. ტ. I = Vol. I. - თბ., 2017 – 208 გვ. = Tb., 2017 – 208 p. 
ISBN 978-9941-27-642-2
ISBN 978-9941-27-643-9

ვარდოსანიძე, სერგო. უწმინდესისა და უნეტარესის, სრულიად საქართველოს კათოლიკოს-პატრიარქის,  ილია II-ის ცხოვრება და მოღვაწეობა = Vardosanidze, Sergo. Life and Activityof His Holiness and Beatitude Ilia II, the Catholicos-Patriarch of All Georgia / საქართველოს მართლმადიდებლურ ეკლესიასთან არსებული ქრისტიანული კვლევის საერთაშორისო ცენტრი; საიუბ. გამოც. პროექტის კოორდ. ნ. ბურჭულაძე = International centre for Christian studies at the Orthodox Church of Georgia; Coord. Of the Jubilee publ. Proj. N burchuladze.  ტ. II = Vol. II. - თბ., 2017 – 188 გვ. = Tb., 2017 – 188 p. 
ISBN 978-9941-27-642-2
ISBN 978-9941-27-644-6

აღნიშნული გამოცემა ეძღვნება საქართველოს სამოციქულო მართლმადიდებლური ეკლესიის თხუთმეტსაუკუნოვანი ავტოკეფალური მმართველობის აღდგენიდან 100 წელს. უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა თბილისის მთავარეპისკოპოსის, ბიჭვინთისა და ცხუმ-აფხაზეთ მიტროპოლიტის ილია II-ის აღსაყდრებიდან 40 და დაბადებიდან 85 წლის იუბილეს. 
ეს არის მართლაც უნიკალური გამოცემა, მაღალ პოლიგრაფიულ დონეზე შესრულებული, უხვად ილუსტრირებული ფერადი ფოტო მასალით. და რაც უფრო მნიშვნელოვანს ხდის საერთაშორისო მასშტაბით - გამოცემა ორენოვანია და ახლავს პარალელური ინგლისური ტექსტი. 

წიგნის I ტომში წარმოდგენილია

ახალი წიგნი ჩვენს ბიბლიოთეკაში

jdeuz
საქართველო - ღვთისმშობლის წილხვდომილი ქვეყანაა = Η ΓΕΩΡΓΙΑ - ΚΛΗΡΟNΟΜΟΣ ΤΗΣ ΘΕΟΤΟΚΟY = ГРУЗИЯ – УДЕЛ БОГОРОДИЦЫ = GEORGIA – THE ALLOTTED COUNTRY OF THE MOTHER OF GOD = GEORGIEN – DER ALLHEILIGEN GOTTESMUTTER ZUGETEILTES LAND. - თბ., 2018. - 236 გვ. 
ISBN: 978-9941-27-410- 7

„ქართლის ცხოვრების“ ლეონტი მროველისეული ვერსიის მიხედვით, მაცხოვრის ამაღლებიდან მეათე დღეს, როცა მოციქულებმა წილი იყარეს მასზე, თუ ვის სად უნდა ექადაგა ქრისტეს მოძღვრება, საქართველო წილად ხვდა ყოვლადწმინდა ღვთისმშობელს. ღვთისმშობლისადმი საქართველოს წილხვდომილობა უფლის განგების საიდუმლოა და კაცობრივი გონება ვერ ჩაწვდება მის სიღრმეს. თუმცა, შესაძლებელია მის შესახებ მსჯელობა და საინტერესო დასკვნების გაკეთება. სწორედ ამ საკითხების გადაჭრის მცდელობაა ამ კრებულში წარმოდგენილი ხუთი პუბლიკაცია. მათში სხვადასხვა კუთხით არის გაანალიზებული ღვთისმშობლისადმი საქართველოს წილხვდომილობის საკითხი. იგი განხილულია წყაროთმცოდნეობითი, ლიტურგიკულ-მისტიკური, საქართველოში ქრისტიანობის თავისებურების, ქართველთა ეროვნულ-რელიგიური იდენტურობის, ღვთისმშობლის სასწაულთმოქმედი ხატებისა და ყოვლადწმინდა ღვთისმშობლის ფენომენის თვალსაზრისით.
ქართული წერილობითი წყაროების გარდა, ღვთისმშობლისადმი ივერიის წილხვდომილობის საკითხი დაფიქსირებულია უცხოურ საისტორიო მასალაშიც. ამ მხრივ საინტერესოა ბერძნული და რუსული წყაროები, რომელთა შესახებ იხ. პროფესორ ელდარ ბუბულაშვილის სტატია წინამდებარე კრებულში. 
კრებული შესრულებულია ქართულ, ბერძნულ, რუსულ, ინგლისურ და გერმანულ ენებზე.
ნაშრომი გამდიდრებულია ილუსტრაციებით. 


ახალი წიგნი ჩვენს ბიბლიოთეკაში

n46bg
გამყრელიძე, გ. იარაღ-საჭურველი ძვ. წ. V - ახ. წ. IV საუკუნეების საქართველოში. I / გ. გამყრელიძე, ვ. შატბერაშვილი, მ. ფირცხალავა, მ. ჩარკვიანი; საქართველოს ეროვნული მუზეუმი, ოთარ ლორთქიფანიძის სახ. არქეოლოგიური კვლევის ინსტიტუტი. - თბ., 2018. - გვ. 1-170. ილ.: 245-295 = Gamkrelidze, G. Weapons and Armour in Georgia (5th  century BC - 4th century AD). I / G. Gamkrelidze, V.  Shatberashvili, M. Pirtskhalava, M. Charkviani; Georgian National Museum, Otar Lordkipanidze Institute of Archaeological Studies. – Tb., 2018. - P. 171-243. 
ISBN: 978-9941-27-959- 1

წინამდებარე წიგნში ძვ.წ. V- ახ. წ. IV საუკუნეების საქართველოს არქეოლოგიურ ძეგლებზე მოპოვებული იარაღ-საჭურველი: შუბი, სატევარი, ცული, მშვილდ-ისარი, მუზარადი, ჯაჭვ-ჯავშანი, ფარი და სხვ. შესწავლილია სტატისტიკურ-ტიპოლოგიურად, სისტემური ანალიზის მეთოდის გამოყენებით; არქეოლოგიური მონაცემები შეჯერებულია წერილობით წყაროებთან;   მოკლედაა მიმოხილული იარაღის შემცველი არქეოლოგიური ძეგლები. ასეთი მეთოდიკის გამოყენების შედეგად შეიქმნა საცნობარო-მონოგრაფიული ხასიათის ნაშრომი ანტიკური პერიოდის საქართველოს სამხედრო-პოლიტიკური და საბრძოლო ისტორიის შესახებ. აღნიშნული ნაშრომის პარალელურად, შედგა არქეოლოგიური მასალის კატალოგი: „იარაღ-საჭურველი ძვ.წ. V - ახ. წ. IV საუკუნეების საქართველოში II (ნაწ.), რომელიც ინტერნეტშია განთავსებული. 
ინფოარხების ცნობების შეკრება