Skip navigation.
მთავარი

საძიებლები

ძიება ქართულ ბიბლიოთეკებში

Create your own Custom Search Engine
ძიება ქართულ ლექსიკონებში და ენციკლოპედიებში
Create your own Custom Search Engine
ძიება მსოფლიოს უნივერსიტეტების ღია სამეცნიერო არქივებში

Create your own Custom Search Engine

ღონისძიების ჩატარება ეროვნულ სამეცნიერო ბიბლიოთკაში

თქვენი ღონისძიების ჩასატარებლად ეროვნულ სამეცნიერო ბიბლიოთკაში, გთხოვთ, შეავსოთ სააპლიკაციო ფორმა და გადგმოგზავნოთ ელექტრონულ მისამართზე: infopr@sciencelib.ge

21-ე საუკუნის სამეცნიერო ბიბლიოთეკა არა მხოლოდ წიგნების საცავი და არც მხოლოდ ელექტრონულ მონაცემთა ბაზების წვდომის ადგილი, არამედ ინფორმაციის აქტიური ძიების, სამეცნიერო კომუნიკაციის, იდეათა გაცვლის, სწავლებისა და მსჯელობის სივრცეა.

ახალი წიგნი ჩვენს ბიბლიოთეკაში

tiizu

მირზაშვილი, თ. ფიროსმანი / რედ. ნ. კობახიძე. -  თბ.: ჯი ეი თი ჯგუფი, - 384გვ.

ISBN 97899410-28-42-7

წინამდებარე გამოცემა საგამომცემლო კომპანია "ჯი ეი თი ჯგუფი"-ს თაოსნობითაა მომზადებული. იგი მხატვარ თენგიზ მირზაშვილის ავტორობით შეიქმნა და მისივე სურვილის მიხედვით, ორ წიგნად დაიბეჭდა. ავტორს განსაკუთრებული დამოკიდებულება ჰქონდა ფიროსმანის შემოქმედების მიმართ და ცხოვრების მნიშვნელოვანი ნაწილი მის კვლევას დაუთმო; უკანასკნელი მცდელობის შემდეგ მირზაშვილმა შეძლო საკუთარი  პროფესიონალიზმითა და გემოვნებით შესრულებული ალბომის მაკეტის დატოვება.

ალბომში შესულია არა მხოლოდ კულტურულ მემკვიდრეობად მიჩნეული, არამედ ძიების პროცესში აღმოჩენილი ნამუშევრები (სულ 219 ქმნილება, აქედან საქართველოს ხელოვნების მუზეუმში დაცული 146 დადგენილი ექსპონატი). ალბომს ერთვის სამ ენაზე (ქართული, რუსული, ინგლისური) შედგენილი კატალოგი, ნიკო ფიროსმანაშვილის ნაწარმოებთა გამოფენების ნუსხა და მხატვარ თენგიზ მირზაშვილის მიერ ზოგიერთი ნაწარმოების შესახებ მოპოვებული საინტერესო ცნობები (აუდიო ჩანაწერის ტრანსკრიფციით). 

ახალი წიგნი ჩვენს ბიბლიოთეკაში

0xzvcuk64g

მასპინძელია საქართველო = Welcome to Georgia = Добро Пожаловать в Грузию / გამომც.: ც. ფარულავა, გ. ირემაშვილი; ტექსტი ნ. კვატაშიძე. ტ. I, II. თბ.: Art Prezent, [2016]. – 176 გვ.: ილ. 


ISBN 978-9941-0-8893-3
ISBN 978-9941-0-8894-0
ISBN 978-9941-0-8895-7

საგამომცემლო კომპანია „არტპრეზენტი“ ამჯერად წარმოდგვიდგენს ორი წიგნს. პირველ გამოცემაში წარმოდგენილია ქართული სტუმარმასპინძლობა. წიგნში განხილულია ქართული სუფრის წესები, „ღვინის აკვანის“ ქართული ისტორია და ქართველი მეურნე ადამიანი. წიგნში აღწერილია ქართველი გლეხის მევენახეობის ისტორია. ასევე მკვეთრად ხაზგასმულია ქართული ტრადიციული სასმელი, როგორც ქართული სუფრის განუყოფელი კომპონენტი; ქართული ღვინის სუფრასთან თანაარსებობის ისტორია და ქართული „თამადა“, რომელსაც სხვა ენაზე შესატყვისი ენობრივი მოდელი არ მოეძებნება. განხილულია ქართული ღვინის 8000 წლიანი ტრადიცია, ქართული ვაზის ჯიშები და ქართული პური. წიგნიდან შეიტყობთ თუ როდის რა მიაქვს ქართველ კაცს სუფრაზე, რა სამზადისი აქვს ამისათვის და რომელი კუთხისთვის რა კერძებია დამახასიათებელი. შემდეგ გვერდებზე მნიშვნელოვანი ადგილი ეთმობა წიგნში აღწერილ მრავალ ქართულ ტრადიციული კერძის მომზადების წესს. მიმოხილვა მთავრდება ისევ ქართული ღვინით და წიგნის ბოლოს საუბარია ქართული ყურძნის ჯიშების შესახებ. 

ტომი II, განსხვავებით პირველი ნაწილისაგან უკვე ქართულ კუთხეებს აღგვიწერს და მართლაც გვიმასპინძლებს საქართველოში. სვეტიცხოველი, ტობავარჩხილი, მუცო, ტაბაწყური, ვარძია, სამცხე-ჯავახეთი, გრემი, გარეჯის უდაბნო, ალავერდის ტაძარი ...  ეს არის არასრული ჩამონათვალი იმ კულტურული ძეგლებისა, რომელთა გარშემოც შეგვიძლია ვიმოგზაუროთ წიგნის სტრუქტურიდან გამომდინარე. მისი მრავალფეროვანი, ფერადი ილუსტრაციები გვაძლევს საშუელებას ახლოს მივიდეთ ქართულ ისტორიასთან და ადათ-წესებთან, გავიცნოთ ლეგენდები მასზე და შევეხოთ მითებსა და ნაკრძალებს. საქართველო ხომ ევროპა-აზიის კავშირი და აბრეშუმის დიდი გზაა ამავდროულად.

ახალი წიგნი ჩვენს ბიბლიოთეკაში

omkty

გალაკტიონოლოგია : ნიკო წერეთლის დღიური / ტექსტი თ. გეგეშიძე; რედ. ლ. ბერიაშვილი. - თბ.: ქარჩხაძის გამომცემლობა, 2016. – [28] + 127 გვ.

ISBN 978-9941-452-14-7

გადაშალეთ გალაკტიონოლოგია - წიგნში საფრანგეთში მცხოვრები ემიგრანტის ნიკო წერეთლის პირადი დღიურის ჩანაწერებია წარმოდგენილი, მის მიერვე შედგენილი ალბომის ფოტოებით, ხელნაწერებით, ადრინდელი გაზეთებიდან ამოჭრილი ცნობებითა და სამახსოვრო ნივთებით. მასალაში მოხსენიებულია XIX-XX  საუკუნეების მიჯნაზე მოღვაწე არაერთი ცნობილი და  მნიშვნელოვანი ქართველი ფიგურა, თუმცა მასში ყოველი ამბავი გალაკტიონ ტაბიძის ბიოგრაფიული ცნობების გარშომი გვამოგზაურებს. ტექსტი გამომცემლობის მიერ ქრონოლოგიურად არის დალაგებული და ისტორიის სრულყოფის მიზნით დამატებული აქვს ნაწყვეტები მოგვიანებით გამოქვეყნებული დღიურებიდან.

წიგნში ჩართულია 1919 წლის 12 მარტს გამოცხადებული 1918 წლის 26 მაისს მიღებლი საქართველოს დამოუკიდებლობის აქტის ფოტოასლი; აქვეა ორიგინალური ჩანაწერები ივანე ჯავახიშვილის და სხვათა დღიურებიდან; კონვერტები წერილებით; ოლია ოჯუჟავასა და გალაკტიონის სიყვარულის ისტორია; გალაკტიონი და მერი;  დავით კაკაბაძე; იოსებ გრიშაშვილი;

ახალი წიგნი ჩვენს ბიბლიოთეკაში

93r0t
რუსუდან ფეტვიაშვილი : ბავშვობა, ფერწერა, გრაფიკა, ილუსტრაცია = Rusudan Petviashvili : Childhood, Painting, Drawing, Illustration / პროექტის ავტორი თ. ლონდარიძე. - თბ.: არტანუჯი, 2016. - 152 გვ. 
 
ISBN 978-9941-463-84-6

ალბომი მხატვრის 200-მდე ნამუშევარს აერთიანებს, რომლებიც ქრონოლოგიურად და ჟანრების მიხედვითაა დაყოფილი: ბავშვობა, გრაფიკა, ფერწერა, ილუსტრაცია. კატალოგში შესულია რუსუდან ფეტვიაშვილის მიერ 6-11 წლის ასაკში ფანქრითა და ტუშით შესრულებული ნამუშევრები, ასევე ილუსტრაციები, რომლებიც ფრანგულ ენაზე გამოცემული „ვეფხისტყაოსნისთვის“, ასევე, „დათა თუთაშხიასა“ და სხვა ნაწარმოებებისთვის შეიქმნა.

ფეტვიაშვილის მხატვრობა განსაკუთრებული ტექნიკით გამოირჩევა. მხატვარი სხვადასხვა მასალით მუშაობს – ფანქარი, აკვარელი, ტემპერა, ზეთის საღებავები, ქაღალდი, მუყაო, აბრეშუმი და სხვა. 

რუსუდან ფეტვიაშვილის ნამუშევრები დაცულია ხელოვნების ეროვნულ მუზეუმში, ასევე სხვადასხვა ქვეყნის კერძო გალერეებსა და კოლექციებში,

ახალი წიგნი ჩვენს ბიბლიოთეკაში

08i1c
გზა თავისუფლებისაკენ : საუბრები კახა ბენდუქიძესთან. ვლადიმერ ფედორინი / მთ. რედ. ზ. ჩხეიძე; მთარგმნ. თ. იობაშვილი, ი. თოდუა. - თბ.: თავისუფალი და აგრარული უნივერსიტეტის გამომცემლობა, 2016. – 487 გვ. 

ISBN 978-9941-0-8284-9

წიგნში კახა ბენდუქიძე წარმოდგენილია როგორც მეცნიერი, ბიზნესმენი, სახელმწიფო მოღვაწე და რეფორმატორი, ფილანტროპი და წარმატებული უნივერსიტეტების დამაარსებელი.

წიგნში თავმოყრილია აზრები პოლიტიკასა და ეკონომიკაზე, რეფორმებზე, საქართველოსა და უკრაინის მომავალზე. ასევე, აღწერილია კახა ბენდუქიძის მოსაზრებები საქართველოში განხორციელებული რეფორმებისა და უკრაინაში გასატარებელი პოლიტიკის შესახებ.

მოხთრობილია კახა ბენდუქიძის დიდი წვლილის შესახებ ბიოლოგიურ მეცნიერებაში, აგრეთვე მის მიერ გატარებული საქართველოში მასშტაბებითა და სიღრმით უპრეცენდენტო რეფორმების შესახებ.

წიგნს წამძღვარებული აქვს ანასტასია ბენდუქიძე-გონჩაროვას წერილი,

ახალი წიგნი ჩვენს ბიბლიოთეკაში

90x24
საქართველოს ისტორიის ატლასი / საქართველოს მეცნიერებათა ეროვნული აკადემია ისტორიის, არქეოლოგიისა და ეთნოლოგიის კომისია; მთ. რედ. დავით მუსხელიშვილი. (მეორე შევსებული და გადამუშავებული გამოცემა). - თბ.: არტანუჯი, 2016 – 75+ XLVI გვ.: ილ. 
ISBN 978-9941-463-83-9

წინამდებარე გამოცემა არ არის ჩვეულებრივი ისტორიული ატლასი, იგი ფაქტობრივად დოკუმენტირებული პუბლიკაციაა, მას ახლავს „განმარტებითი ტექსტი“, რომელშიც დასაბუთებულია თითოეულ რუკაზე ასახული ქვეყნის პოლიტიკური სურათი. ასე რომ, საბოლოო ჯამში ატლასი ფაქტობრივად ასახავს ჩვენი ქვეყნის სახელმწიფო ტერიტორიის პოლიტიკური ცვლილებების პროცესს - უძველესი პერიოდიდან დღევანდლამდე. წიგნი შეიცავს 69 რუკას ისტორიული ძეგლების ფოტოილუსტრაციებითურთ და აგრეთვე ტაბულას, რომელზედაც ვახუშტი ბაგრატიონის მიხედვით მხარეების გერბებია გამოსახული. ატლასში ჩართულია 1784 და 1799 წლების რუკები; აგრეთვე ევრაზიის რუკა, კავკასიის პოლიტიკური რუკა და სხვ. 

მერე გამოცემაში შევსებულია საბჭოთა პერიოდის ამსახველი რუკების ტექსტი პირველწყაროებიდან.  წიგნს აგრეთვე დოკუმენტური მასალის სახით დაემატა ვახუშტი ბაგრატიონის 1735 წლის „ატლასიდან“ ამოღებული „ყოვლისა საქართველოსი ქარტა ანუ რუკა“. 

ახალი წიგნი ჩვენს ბიბლიოთეკაში

8a0jf
ილუსტრირებული მსოფლიო ატლასი : პლანეტა დედამიწის კომპლექსური სურათით / ქართ. გამოც. რედ. თ. ჩიკორაია. - თბ.: პალიტრა L, 2016. – 304 გვ.: ილ.
ISBN 978-994-1213-496

ეს ფერადი ილუსტრირებული წიგნი სრულიად ახალი ხედებით წარმოგვიჩენს მსოფლიოს. იგი საინტერესოდ არის დატვირთული მრავალფეროვანი მასალით.   წიგნში წარმოდგენილია თემატური რუკები. თითოეულ რეგიონს ერთვის ამომწურავი ინფორმაცია დედამიწის აგებულების, კლიმატის, ველური ბუნების თავისებურების, სასარგებლო წიაღისეულის, გარემოს, მოსახლეობის, რელიგიების, ენებისა და ხალხების თაობაზე.

გამოცემაში ჩვენი პლანეტის ლანდშაფტების 60-ზე მეტი რუკაა, წიგნს ერთვის ხელოვნური თანამგზავრიდან გადაღებული ფოტოები, ასევე მონაცემები სახმელეთო ტერიტორიასა და ერთიან გარემოზე, ისტორიაზე, ქვეყნის პოლიტიკურ წყობასა და ეკოლოგიურ მდგომარეობაზე. წიგნში უხვადაა წარმოდგენილი კარტოგრაფიული რუკები და გრაფიკული ილუსტრაციები. 

ახალი წიგნი ჩვენს ბიბლიოთეკაში

pdytj
მსოფლიო ისტორია : ილუსტრირებული ენციკლოპედია / რედ.: მ. სესკურია, მ. სოხაძე, მ. ყიფშიძე. თბ.: ბაკურ სულაკაურის გამომცემლობა, 2016. – 512 გვ.: ილ.
ISBN 978-9941-23-614-3

ისტორია უძველესი დროიდან სხვადასხვა მოვლენისა და ქმედების მასშტაბურ ქრონიკად გვევლინება. წიგნში დათარიღებული ეს დარგი კი მხოლოდ ომების, დაპყრობების, შეთანხმებებისა და ღალატის მოკლე ქრონოლოგია არ არის. დაინტერესებული მკითხველი ამასთან ერთად შეიტყობს, თუ როდის მოხდა ესა თუ ის აღმოჩენა, როგორ შეიქმნა ხელოვნების გამორჩეული ნაწარმოებები, რა მნიშვნელოვანი ცვლილებები განიცადა სოფლის მეურნეობამ, როგორ იკვლევდნენ დედამიწას, ან როგორ შეიცვალა ვაჭრობის მეთოდები. ბრწყინვალედ ილუსტრირებული და ნათლად ახსნილი ისტორიული მოვლენები სოფლის მეურნეობის წარმოშობით იწყება და უახლესი ასტროფიზიკური აღმოჩენებით მთავრდება. ამგვარად წიგნში გლობალური ისტორიაა მოთხრობილი და წარმოჩენილია როგორც ევროპისა და ჩრდილოეთ ამერიკის ისტორიული მოვლენები, ასევე ახლო დ შორეული აღმოსავლეთის, ინდოეთის, სამხრეთ ამერიკისა და წყნარი ოკეანის რეგიონების დასამახსოვრებელი და გამორჩეული ამბები. 

ნაშრომში ისტორია სტრუქტურულად შემდეგ სახეს ღებულობს: კაცობრიობის დასაბამი, უძველესი ცივილიზაციები, კლასიკური ეპოქა, ვაჭრობა და გამოგონებები, რეფორმაცია და აღმოჩენები, რევოლუციების ეპოქა, ტექნოლოგიები, წიგნის ბოლოს ზესახელმწიფოები  და ცნობარი, ეს უკანასკნელი კი შემდეგი სახის ინფორმაციებს მოიცავს:
ინფოარხების ცნობების შეკრება